குறிப்புக்கள் - (Notes)
வேறுபாடுகள் - (Pathanthara)
² - மானவுலு - யோக₃ யுதுலை : மானவுடு₃ - யோக₃ யுதுடை₃ : இந்த கீர்த்தனையில், பிற சொற்கள் யாவுமே பன்மையிலிருப்பதனால், 'மானவுலு - யோக₃ யுதுலை' என்பது தான் பொருந்தும்.

⁴ - ஸ்ரீ ராக₃முன - ராக₃முன.
Top

மேற்கோள்கள்
¹ - ஹம்ஸாது₃ல - முற்றுமுணர்ந்தோர் - 'ஹம்ஸ' என்பது 'அஹம்ஸ' (நான் அவனே) என்பதன் சுருக்கமாகும். சதாசிவ பிரம்மேந்திரர், தமது 'கே₂லதி பிண்டா₃ண்டே₃' என்ற கீர்த்தனையில், 'ஹம்ஸஸ்-ஸோஹம்-ஸோஹம்-ஹம்ஸமிதி' என்று கூறியுள்ளார்.

³ - கர்ம ப₂லமு தா₃னமு ஸேயுவாரு - கருமத்தின் பயன்களை இறைவனுக்கு அர்ப்பணம் செய்வோர். இது குறித்து, கீதையில் (5-வது அத்தியாயம், 12-வது செய்யுள்), கண்ணன் கூறியது -

"யோக நெறி நிற்பவன், கருமத்தின் பயனைத் துறந்து, உறுதியான மனவமைதி அடைகின்றான்.
அங்ஙனமல்லாதவன், இச்சைகள் காரணமாக, பயனில் ஆசைகொண்டு, தளைக்குள்ளாகின்றான்."
(ஸ்வாமி ஸ்வரூபானந்தாவின் ஆங்கில மொழிபெயர்ப்பின் தமிழாக்கம்)
Top

விளக்கம்
² - த்₄யான யோக₃ - இதற்கு, தியானம், யோகம் என்று பொருள் கொள்ளப்பட்டது. ஆனால், 'தியான யோகம்' என்றும் இதற்குப் பொருள் கொள்ளலாம்.

⁴ - ஸ்ரீ ராக₃முன - சில புத்தகங்களில், இது, 'ஸ்ரீ ராகம்' எனும் ராகம் என்று பொருள் கொள்ளப்பட்டுள்ளது. ஆனால், இந்த கீர்த்தனையே அந்த ராகத்தினில் இல்லாததனால், இது ஒரு குறிப்பிட்ட ராகத்தினைக் குறிக்குமா என்று, இசை வல்லுனர்கள்தான் விளக்க இயலும்.

மயிற்பீலி யணிவோன் - கண்ணன்
கஞ்சனை வதைத்தோன் - கண்ணன்
Top